O‘zbekiston Respublikasi Prezidenti Shavkat Mirziyoyev shahar aholisi orasida norozilik keltirib chiqarayotgan muhim muammoni, ya’ni vazirliklar, idoralar va hokimliklarning ma’muriy binolari atrofidagi ko‘chalarning to‘silib qolishini alohida ta’kidladi. Bu haqida Upl.uz xabar berdi.
Ayniqsa, yirik shaharlarda bu muammo kuchayib borayotganini qayd etdi. Ularning xodimlari ko‘pincha yo‘lning 2-3 ta yo‘nalishini avtomobillarini to‘xtatish uchun egallab oladi, bu esa tirbandliklarning ko‘payishiga sabab bo‘lmoqda.
Davlat rahbarining topshirig‘iga binoan 15 ming haydovchi orasida so‘rov o‘tkazildi. Natijalar shuni ko‘rsatdiki, rasmiy va qonuniy avtoturargohlar yetishmasligi sababli ko‘plab haydovchilar mashinalarini yo‘l chetiga qo‘yishga majbur bo‘lmoqda.
Prezident haydovchilarning o‘z muammolarini erkin yetkazishi va eshitilishi uchun yagona platformaning mavjud emasligini ta’kidladi. Shunga ko‘ra, quyidagi chora-tadbirlar belgilandi.
Birinchidan, tashkilotlar va mahallalar atrofidagi asossiz taqiq belgilarini olib tashlash. Ikkinchidan, vazirlik va idoralarning xodimlari tomonidan noqonuniy parkladagi joylarda foto va video nazorat kameralarini o‘rnatish orqali jazolashning aniq va muqarrar bo‘lishi ta’minlanadi.
Shuningdek, davlat xizmatchilari jamoat transportidan faol foydalanib, yaxshi namuna ko‘rsatishi kerakligi alohida ta’kidlandi. Bundan tashqari, rahbarlarning xizmat avtomobillari yo‘llarda ustunlikka ega bo‘lmasligi, faqat Vazirlar Mahkamasi tomonidan rasmiy tasdiqlangan ro‘yxatga kiritilgan holatlar bundan mustasno bo‘lishi qaror qilindi.
Bu chora-tadbirlar shahar transport tizimini tartibga solish va yo‘l harakati xavfsizligini oshirishga qaratilgan.
