AQSh prezidenti Donald Tramp Oq uyda jurnalistlar bilan bo‘lgan suhbatda Ukraina va Rossiya o‘rtasida yerlar bo‘yicha kelishuv va to‘liq o‘t ochishni to‘xtatish masalalari ayni paytda muhokama qilinayotganini ma’lum qildi, deb xabar berdi Tengrinews.kz RBK’ga tayanib.
Trampning aytishicha, tomonлар o‘rtasida joriy muzokaralar tinchlikka erishish va urushni yakunlashga qaratilgan. U “yaqinda to‘liq otashkesimga erishamiz”, deya optimistik fikr bildirdi. Muzokaralar hududiy bo‘linish, chegara liniyalari va boshqa dolzarb mavzularni qamrab olmoqda.
Shuningdek, Tramp bir nechta front chiziqlarida allaqachon o‘t ochish to‘xtatilganini ta’kidladi va “shartlar yaxshi bajarilmoqda”, dedi. U prezident Putin va prezident Zelenskiy bilan alohida suhbatlar o‘tkazgani va ular natijasida murosaga asos bo‘ladigan nuqtalar aniqlanganini bildirdi. “Men ikkala tomon bilan yaxshi gaplashdim va kelishuv chegaralari bor deb hisoblayman”, – dedi Tramp.
18 mart kuni Tramp va Putin telefon orqali Ukraina energetika infratuzilmasiga hujumlarni vaqtincha to‘xtatish yuzasidan kelishib olgan. Ukraina bu taklifni qo‘llab-quvvatlab, 30 kunlik moratoriy joriy qilgan. Shundan so‘ng, Putin Rossiya armiyasiga hujumlarni to‘xtатishni buyurgan.
