Joriy yilning 20 aprel sanasida Birlashgan Arab Amirliklarining Dubay shahrida o‘zbekistonlik fuqarolardan iborat ikki jinoiy guruh o‘rtasida keskin nizo yuz berdi. Tarqalgan ma’lumotlarga qaraganda, ushbu ziddiyat natijasida pichoqlashuv sodir bo‘lib, natijada guruh yetakchilaridan biri voqea joyida jon bergan.
Manbalarga ko‘ra, mazkur jinoiy guruh a’zolari 2023 yilning dekabrida O‘zbekistonda "ko‘cha"ga qarshi olib borilgan qat’iy tadbirlardan so‘ng mamlakatdan chiqib ketgan va Turkiya hamda BAA hududida yashiringan.
O‘zbekiston Respublikasi Tashqi ishlar vazirligi matbuot kotibi Ahror Burhonovning xabar berishicha, BAAdagi diplomatlarimiz ushbu hodisa yuzasidan Dubay jinoyat-qidiruv boshqarmasi rahbariyati bilan uchrashuv o‘tkazishgan.
«BAA rasmiylari voqea bo‘yicha tergov ishlari davom etayotganini, bu ish bo‘yicha 15 nafar O‘zbekiston fuqarosi ushlanganini ma’lum qilishdi. Shuningdek, so‘nggi vaqtlarda o‘zbekistonliklar tomonidan sodir etilayotgan jinoyat va huquqbuzarlik holatlari ortib borayotgani ikki mamlakat o‘rtasidagi vizasiz safar qilish tartibiga salbiy ta’sir ko‘rsatishi mumkinligi aytib o‘tildi», – deyiladi TIV bayonotida.
TIV shuningdek, huquqni muhofaza qiluvchi organlar bilan yaqin hamkorlikda ish olib borayotganini va xorijda bo‘lgan barcha o‘zbekistonliklarni yurtdoshlar sha’niga putur yetkazuvchi harakatlardan tiyilishga chaqirganini ta’kidladi.
Biroq, vazirlik voqeaning aniq tafsilotlarini, jumladan, halok bo‘lgan yoki jarohatlanganlarning shaxsi haqidagi ma’lumotlarni hali e’lon qilgan emas.
O‘zbekistonliklar BAAga kirishda muammolarga duch kelmoqda
Kun.uz'ga ko‘ra, so‘nggi vaqtlarda o‘zbekistonlik fuqarolarning BAAga kirishi bilan bog‘liq muammolar yana ko‘paygan. Xususan, bugun, 25 aprel kuni Saudiya Arabistonidan O‘zbekistonga BAA orqali qaytishi rejalashtirilgan 9 o‘zbekistonlik fuqaro aeroportda muammoga duch kelgan.
Fuqaro Abdulvohid Abdulhamidovning so‘zlariga ko‘ra, u 25 aprel kuni Madinadan Dubayga, keyin esa 26 aprel kuni Abu-Dabidan Toshkentga chipta sotib olgan. Biroq, Madina aeroporti ma’muriyati uni samolyotga kiritmagan. Bundan tashqari, yana 8 nafar O‘zbekiston fuqarosi ham shu kabi vaziyatga tushgan.
Mazkur vaziyatlar 2024 yilning noyabr oyida BAA hududida ravvin Svi Koganning o‘ldirilishi bilan boshlangandi. O‘sha vaqtda BAA sudi O‘zbekistonning uch fuqarosini jinoyatda aybdor deb topib, ularga o‘lim jazosi tayinlagan.
Shu voqealardan keyin O‘zbekiston fuqarolarining BAAga kirishi va u yerda mehnat qilish sharoitlari keskin qiyinlashgan. Jumladan, o‘tgan yilning 25 noyabr kuni Dubayda bir guruh o‘zbekistonlik fuqarolar politsiya tomonidan qo‘lga olingandi. Keyinchalik ularning ayrimlari ozod etilgan, boshqalari deportatsiya qilingan, yana besh nafar fuqaroga nisbatan esa jinoiy ish qo‘zg‘atilgani ma’lum bo‘ldi.
Shuningdek, 2024 yil davomida BAAning turli aeroportlarida O‘zbekistondan kelgan bir nechta reysdagi ko‘plab fuqarolar hech qanday sababsiz mamlakat hududiga kiritilmasdan ortga qaytarib yuborilgan holatlar kuzatilgan edi.
O‘xshash yangiliklar
O‘zbekistonga mundialga chiqish uchun qanday natijalar kerak?
O‘zbekiston milliy jamoasi hozirdanoq saralash o‘yinlarida ochko to‘plash bo‘yicha eng yaxshi natijasini qayd etib turganiga qaramay, hal qiluvchi o‘yinlar endi o‘tkaziladi. Futbol bo‘yicha
BAAda 3 nafar O‘zbekiston fuqarosi o‘limga hukm qilingani tasdiqlandi
Abu-Dabi Federal apellyatsiya sudi Isroil va Moldova fuqarosi, BAA rezidenti bo‘lgan rohib Svi Koganni «terrorchilik niyatida qasddan o‘ldirishda aybdor», deb topilgan O‘zbekistonning 3 nafar
Asad ag‘darilgandan so‘ng Suriya qanday hayot kechirmoqda?
2024 yil dekabrida Suriyada Asadlar rejimining ellik yillik hukmronligi yakun topdi. Ko‘plab suriyaliklar erkinlikdan bahramand bo‘lishda davom etmoqda, biroq mamlakat barqarorlikka erishdi, deb
Rossiya Ukraina janubini nega bu qadar tez ishg‘ol qilgandi?
2022 yil 24 fevral kuni ertalab soat 4 larda Rossiya armiyasi Ukraina hududiga hujum boshlagandi. Yurish bir vaqtning o‘zida bir necha yo‘nalishda: janub, sharq va shimoldan olib boriladi. Biroq,
Shavkat Mirziyoyev xotin-qizlarni 8 mart bilan tabrikladi
O‘zbekiston prezidenti Shavkat Mirziyoyev 8 mart – Xalqaro xotin-qizlar kuni munosabati bilan o‘tkazilgan tantanali marosimda so‘zlagan nutqida mamlakat xotin-qizlarini tabrikladi. Davlat rahbari
