Xitoyning Guichjou provinsiyasida minglab quyosh panellari bilan qoplangan tog‘ tizmasi kashf etildi. Bu hudud endi ulkan quyosh elektr stansiyasiga aylangan, deb 4PDA xabar berdi.
Internetda tarqalgan dron videolarida tog‘lar ustida cheksiz qatorlarda yotgan quyosh panellari gorizont bilan uyg‘unlashib, futuristik manzarani yuzaga keltirgan.
Guichjou — murakkab relyef va o‘zgaruvchan iqlimga ega. Bu holat ilgari qishloq xo‘jaligini cheklab kelgan bo‘lsa-da, hozir bu hudud ekologik toza energetika uchun mos maydonga aylangan. Bu yerda ilk quyosh stansiyalari atigi 10 yildan kam vaqt oldin qurilgan.
2024 yil oxiriga kelib, Xitoy dunyodagi barcha quyosh va shamol elektr loyihalarining 64 foizini tashkil etdi. Hozirda mamlakatda umumiy 339 gigavatt quvvatli stansiyalar qurilmoqda. Taqqoslash uchun: AQSh, Braziliya, Buyuk Britaniya va Ispaniyada bu ko‘rsatkich 72 gigavattga teng.
Quyosh energiyasi quvvati 2018 yildagi 1,75 mln kVtdan 2023 yilda 15 mln kVtgacha oshdi. Shunga qaramay, Xitoyda hozirda 57% energiya ko‘mir hisobidan ishlab chiqariladi. Pekin 2060 yilga borib to‘liq karbon neytrallikka erishish niyatida.
