Toshkent viloyatida qaynonaning kelin bilan janjali chaqaloqning tanasining kuyishi bilan yakunlandi. Bu haqda Bolalar ombudsmani Surayyo Rahmonova ma'lum qildi.
Ma'lumotlarga koʻra, 27-yanvar kuni Toshkent viloyati, Toshkent tumanida yashovchi X.M. (1999-yilda tugʻilgan ayol) va uning qaynonasi M.X. (1966-yilda tugʻilgan) oʻrtasida janjal kelib chiqqan. Mojaro davomida qaynona ichida issiq suv boʻlgan termosni kelinga qarata uloqtirgan. Natijada, kelinning qoʻlida boʻlgan 23 kunlik chaqaloqning oyoq va qoʻl qismi kuygan. Bolaga zaruriy tibbiy muolajalar koʻrsatilgani ma'lum qilindi.
Hodisa yuzasidan Toshkent tumani IIB tomonidan tergovga qadar tekshiruv boshlangan.
Bundan tashqari, mojarolar davom etishining oldini olish maqsadida kelinga bir oy muddatga himoya orderi berilgan va oila a'zolariga qoʻyilgan cheklovlar tushuntirilgan.
Manba: Kun.uz
