Sobiq futbolchi Yuri Jirkov yangi mavsumda Rossiya Premyer Ligasi chempionlik uchun eng katta imkoniyatga kimda borligi haqida fikr bildirdi. Bu haqida Euro-football.ru xabar berdi.
Uning so‘zlariga ko‘ra, favoritlar o‘zgarmagan va ular «Zenit», «Krasnodar», CSKA, «Spartak» hamda «Dinamo» jamoalari hisoblanadi. Boshqa jamoalardan katta umidlar kutilmaydi.
Mutaxassis shuningdek, yangi mavsumda «Lokomotiv» jamoasining chempion bo‘lishiga ishonmasligini ta’kidladi. 2024-2025 yilgi mavsumda oltin medallar «Krasnodar»ga nasib etdi.
Ikkinchi o‘rinni «Zenit» egalladi, CSKA esa bronza medallarini qo‘lga kiritdi. «Spartak» va «Dinamo» mos ravishda to‘rtinchi va beshinchi o‘rinlarda mavsumni yakunladi.
«Lokomotiv» jamoasi esa jadvalda oltinchi pog‘onada joylashdi. Shu tariqa, jamoalar o‘rtasida kuchli raqobat davom etmoqda va muxlislar yangi mavsumdan katta natijalar kutmoqda.
