Madridning "Real" klubi himoya chizig‘i to‘liq shakllantirilmagan deb hisoblaydi. Bu haqida Euro-football.ru xabar berdi.
Klub yuqori darajadagi himoyachini jamoaga qo‘shishni maqsad qilgan va shu sababli Ibrahima Konateni o‘z e’tiboriga olgan. L’Equipe nashrining xabariga ko‘ra, "Real" allaqachon "Liverpul" klubi bilan bog‘lanib, ularni qaysi taklif qoniqtirishi mumkinligini aniqlashga harakat qilmoqda.
Ma’lumotlarga ko‘ra, "Real" dastlab Konate uchun 20-25 million yevro taklif qilishni rejalashtirmoqda. Biroq "Liverpul" fransiyalik futbolchini 50 million yevroga baholamoqda.
Shuningdek, Konatening "Liverpul" bilan amaldagi shartnomasi keyingi yil yozigacha amal qiladi. Bu esa kelasi yildan boshlab uni bepul olish imkoniyati paydo bo‘lishini anglatadi.
Shu sababli "Real" va "Liverpul" o‘rtasidagi muzokaralar davom etmoqda. Futbolchining kelajagi haqida qaror qabul qilish uchun vaqt talab etiladi.
