Yuventus Mbangulani sotib, Sanchoni xarid qiladi
Futbolchi Jeddon Sancho hali ham «Yuventus» klubiga o‘tishi mumkin. Bu haqida Euro-football.ru xabar berdi.
Klub vakillari qanot himoyachisi bilan bir necha bor muzokaralar olib bordi, ammo Turin jamoasi murakkab moliyaviy vaziyat tufayli kelishuvga erisha olmadi. Hozirda «Eski sinyora» Samuel Mbangulani sotishga yaqin turibdi.
21 yoshli belgiyalik futbolchi Germaniyaning «Verder» klubiga o‘n million yevro evaziga, bonuslarsiz o‘tadi. La Gazzetta dello Sport nashrining xabar berishicha, futbolchidan ajralgach, «Yuventus» Sancho bilan shartnoma imzolash imkoniga ega bo‘ladi.
Shu bilan birga, «Biankoneri» «Portu» klubidan Fransishku Konseysau transferini bekor qilishga majbur bo‘lmaydi. Transfermarkt sayti futbolchining qiymatini 28 million yevro deb baholamoqda, ammo ilgari tarqalgan ma’lumotlarga ko‘ra, italyan klubi uni arzonroq narxda xarid qilishi mumkin.
