Yozgi mavsumda "Real" jamoasida 10-raqam bo‘shab qoldi. Bu haqida Euro-football.ru xabar berdi.
Ushbu raqam ostida jamoa safida yarim himoyachi Luka Modrich o‘ynagan. Hozircha 10-raqam kimga berilishi haqida rasmiy ma’lumot berilmagan.
Jurnalist Ramon Alvares de Mon ijtimoiy tarmoqlarda bu raqamni yulduz hujumchi Kilian Mbappe olishi kerakligini ta’kidlagan. De Monning so‘zlariga ko‘ra, ehtimol Kilian Mbappe "Real"ning keyingi 10-raqamli futbolchisi bo‘ladi.
2024/2025 yilgi mavsumda Mbappe "Real" safida 9-raqam ostida maydonga tushgan. Milliy terma jamoada esa u 10-raqamni kiyadi.
Mbappe "Real"ga o‘tishidan oldin "PSJ" klubida 7-raqamni kiygan. Madrid jamoasida esa 7-raqam doimiy ravishda Vinisiusga berilgan.
Shu sababli Mbappe uchun 10-raqam muhim va jamoada uning o‘rnini ko‘rsatadigan raqam sifatida qaralmoqda.
