Manchester Siti Koshta uchun taklifni oshiradi
«Manchester Siti» jamoasi asosiy darvozabonni almashtirish maqsadida yangi futbolchi bilan shartnoma tuzmoqchi. Bu haqida Euro-football.ru xabar berdi.
Jamoa sardori Ederson tez orada jamoani tark etishi mumkinligi sababli, uning o‘rnini bosadigan darvozabon qidirilmoqda. «Shaharliklar» ilgari ham «Portu» klubidan Diogu Koshta bilan bog‘langan edi.
Fichajes portali ma’lumotlariga ko‘ra, Koshtaning transferi uchun ajratilgan 60 million yevro yetarli bo‘lmasligi mumkin. Ushbu summa muzokaralar boshlanishi uchun asos bo‘lishi mumkin, ammo kelishuvga erishish uchun «Manchester Siti» ko‘proq mablag‘ taklif qilishi kerak bo‘ladi.
Koshta hozirda 25 yoshda bo‘lib, «Portu» bilan tuzgan shartnomasi 2027 yil o‘rtalarigacha amal qiladi. U Portugaliya milliy terma jamoasi safida 36 o‘yinda maydonga tushgan va shu o‘yinlarda 28 ta gol o‘tkazib yuborgan.
Jamoa rahbarlari ushbu futbolchining tajribasi va salohiyatini hisobga olib, uni o‘z safiga qo‘shishni rejalashtirmoqda.
