Everton jamoasi Bayern klubining chet himoyachisi Adam Aznuni sotib olish uchun raqobatga qo‘shildi. Bu haqida Euro-football.ru xabar berdi.
Bu haqda ishonchli manba Nikolo Skira xabar bermoqda. Everton 40 yoshli Eshli Yangning o‘rnini to‘ldirish uchun marokashlik futbolchini o‘z safiga qo‘shmoqchi.
Eshli Yang joriy mavsum oxirida jamoani tark etdi. Shuningdek, La Liga klublari ham Aznuga qiziqish bildirmoqda.
Adam Aznu 2024/25 yilgi mavsumning ikkinchi yarmida Ispaniyaning Valladolid klubida ijarada o‘ynadi. 19 yoshli futbolchi o‘zining ko‘p qirrali o‘yin uslubi bilan ajralib turadi.
U har ikki qanotda, ya’ni nafaqat himoyada balki hujumga yaqin pozitsiyalarda ham o‘ynashga qodir. Transfermarkt sayti uning bozor qiymatini 4 million yevroga baholamoqda.
Adam Aznu jamoa uchun istiqbolli futbolchi sifatida ko‘rilmoqda va uning transferi Everton jamoasining hujum va himoya chizig‘ini mustahkamlashga yordam beradi.
