Manchester Siti hujumchisi Erling Holann tug‘ilgan kunida ijtimoiy tarmoqlarda haqoratli xabarga duch keldi. Bu haqida Euro-football.ru xabar berdi.
Foydalanuvchilardan biri futbolchiga nafrat va shaxsiy haqoratlar bilan to‘la tajovuzkor tilak yozdi. Holann bu holatga javobsiz qolmadi va hazil bilan javob qaytardi.
U “Sizning iliq tabrigingiz uchun rahmat, Will McHale. Umid qilamanki, ota-onangiz sizning so‘zlaringiz bilan faxrlanadi,” deb yozdi.
Keyinroq xabar muallifi o‘z aybini tan olib, uzr so‘radi. U “Men g‘azab va nafrat bilan to‘la so‘zlarni ishlatdim.
Bu men haqiqatan kimligimni aks ettirmaydi va futbolga bo‘lgan haqiqiy muhabbat bilan bog‘liq emas,” dedi. O‘tgan mavsumda Erling Holann Manchester Siti safida 48 o‘yin o‘tkazib, 34 ta gol urdi va beshta golli pas berdi.
Uning Angliya klubidagi shartnomasi 2034 yilgacha mo‘ljallangan. Transfermarkt ma’lumotlariga ko‘ra, futbolchining bozor qiymati 180 million yevroga teng.
