Liverpul Kyese o‘rniga Malik Fofanani ko‘rib chiqmoqda
Malik Fofana «Liverpul» jamoasi uchun yangi kuch bo‘lishi mumkin. Bu haqida Euro-football.ru xabar berdi.
Jurnalist Sasha Tavolyerining ma’lumotiga ko‘ra, 20 yoshli «Lion» klubi hujumchisi Mersisayd jamoasi tomonidan Federiko Kyese o‘rnini bosuvchi sifatida ko‘rib chiqilmoqda. Kutilishicha, italiyalik futbolchi Angliyani tark etib, faoliyatini o‘z vatanida davom ettiradi.
Manba ma’lumotlariga ko‘ra, Fofanani ingliz klubiga o‘tishi ehtimoli yuqori baholanmoqda. O‘tgan mavsumda hujumchi «Lion» safida barcha musobaqalarda 41 o‘yin o‘tkazib, 11 ta gol urdi va 6 ta golga uzatma berdi.
Uning fransuz klubi bilan tuzilgan shartnomasi 2028 yil yozigacha amal qiladi. Transfermarkt ma’lumotlariga ko‘ra, futbolchining bozor qiymati 30 million yevroga teng.
