Liverpool jamoasi himoyachisi Kostas Tsimikas vafot etgan jamoadoshi Diogu Jotani yodga olib, unga bag‘ishlab maxsus tatuirovka qildirgan. Bu haqida Euro-football.ru xabar berdi.
Uning chap bilagida “Sen shu yerda bo‘lishingni istardim” degan yozuv paydo bo‘ldi. Bu uning do‘sti va jamoa hamkori uchun hurmat ifodasidir.
Eslatib o‘tish joizki, bu fojia iyul oyining boshlarida sodir bo‘lgan. Diogu Jota va uning ukasi, Penafiel jamoasi futbolchisi Andre Silva Ispaniya hududida avtohalokatga uchragan.
OAV xabarlariga ko‘ra, ularning avtomobili yo‘ldan chiqib, yongan. Diogu Jota o‘z faoliyati davomida Portugaliya terma jamoasi bilan ikki marotaba Millatlar ligasida g‘olib bo‘lgan.
Shuningdek, u Liverpool bilan Angliya chempionati va Kubogini qo‘lga kiritgan. Hujumchining yo‘qotilishi butun futbol jamoatchiligi uchun katta zarba bo‘ldi.
