Atalanta Lukman uchun 50 million yevro talab qilmoqda
«Inter» va «Atalanta» jamoalari hujumchi Ademola Lukman transferi bo‘yicha muzokaralar olib bormoqda. Bu haqida Euro-football.ru xabar berdi.
Bergamo jamoasi 27 yoshli futbolchi uchun 50 million yevro miqdorida tovon puli so‘ramoqda, biroq Milan klubi bu summani to‘lashga rozi emas. Bu haqda taniqli futbol insayderi Fabrizio Romano ma’lum qilmoqda.
Hujumchi Lukman esa Kristian Kivu boshqaruvidagi jamoaga qo‘shilishni xohlamoqda va bu haqda chorshanba kuni yana «Atalanta» rahbariyatiga ma’lum qilgan. Bergamo klubi Lukman uchun boshqa xorijiy chempionat vakili ham kurashga qo‘shilib, 50 million yevro taklif qilib, «Inter» bilan raqobatda g‘olib chiqishiga umid qilmoqda.
O‘tgan mavsumda futbolchi «Atalanta» safida 40 o‘yinda maydonga tushib, 20 ta gol urdi va 7 ta golga uzatma berdi.
