Yuventus Veani molina bilan almashtiradi
Timoti Vea "Yuventus" klubidan ketishga yaqin turibdi. Bu haqida Euro-football.ru xabar berdi.
Uning o‘rniga yangi futbolchi bilan shartnoma imzolanishi kutilmoqda. Agar kutilmagan holatlar yuzaga kelmasa, 25 yoshli amerikalik futbolchi "Marsel" klubiga o‘tadi.
La Gazzetta dello Sport nashrining ma’lumotlariga ko‘ra, "Yuventus" jamoasi uning o‘rnini tutish uchun Madridning "Atletiko" klubidan Nauel Molina bilan shartnoma tuzishni maqsad qilgan. Bir necha kun oldin "Eski sinyora" jamoasining argentinalik futbolchiga qiziqishi haqida xabarlar tarqalgan edi.
Transfermarkt saytida Nauel Molinaning narxi 20 million yevro deb baholangan. 27 yoshli himoyachining "matrasniklar" bilan amaldagi shartnomasi 2027 yilgacha mo‘ljallangan.
O‘tgan mavsumda jahon chempioni Diego Simeone boshchiligidagi jamoa safida 46 o‘yinda maydonga tushib, bitta gol urgan va uchta samarali uzatma amalga oshirgan. Ushbu transfer "Yuventus" uchun muhim yangilik bo‘lishi kutilmoqda.
