Milaning "Inter" klubi Turinning "Yuventus" jamoasi futbolchisi Nikolas Gonsalesni transfer qilishni rejalashtirmayapti. Bu haqida Euro-football.ru xabar berdi.
Argentinalik futbolchi "neradzurri" uchun hujum chizig‘ini kuchaytirish bo‘yicha muqobil variant sifatida ko‘rib chiqilgan edi. Bu borada ayniqsa "Atalanta" futbolchisi Ademola Lukman bilan muzokaralar kutilgan natija bermasa, Gonsales nomzodi ko‘rib chiqilishi mumkinligi haqida xabarlar paydo bo‘lgandi.
Biroq, taniqli jurnalistlar Fabritsio Byazin va Daniele Mari ma’lumotiga ko‘ra, bu xabarlar haqiqatga to‘g‘ri kelmaydi. "Inter" rahbariyati 27 yoshli futbolchini jamoaga jalb etish niyatida emas va uni asosiy transfer maqsadlari qatoriga kiritmagan.
Shuningdek, "Yuventus" klubi yozgi transfer oynasida Nikolas Gonsales bilan xayrlashishni rejalashtirgan. Klub bosh murabbiyi Igor Tudor futbolchining jamoa kelajagi uchun mo‘ljallangan rejalariga mos kelmasligini bildirgan.
Transfermarkt portali Nikolas Gonsalesning bozor qiymatini 24 million yevroga baholagan. Shu tariqa, Nikolas Gonsalesning "Inter"ga o‘tishi haqidagi mish-mishlar asossiz ekani yana bir bor tasdiqlandi.
