“Spartak” hujumchisi Levi Garsiya jamoada o‘ynashi va “qizil-oq” muxlislari madaniyati bilan tanishuvi haqida fikr bildirdi. Bu haqida Euro-football.ru xabar berdi.
Uning aytishicha, bu yerda o‘tkazgan vaqti davomida “qizil-oq” jamoaning madaniyatini chuqur his qilgan. O‘tgan mavsum har bir safar uchrashuvida “Spartak” muxlislari ko‘plab yig‘ilib, jamoani faol qo‘llab-quvvatlashganini alohida ta’kidladi.
Garsiya muxlislarning jamoaga bo‘lgan mehrini chin dildan sezganini va “Spartak” futbolkasini kiyish naqadar mas’uliyatli ekanini tushunganini aytdi. Futbolchi, shuningdek, “Spartak” muxlislari jamoa natijalaridan mamnun bo‘lishlari uchun bor kuchini sarflashga va’da berdi.
Levi Garsiya joriy yilning qishida “qizil-oq”lar safiga qo‘shilgan. U Rossiyada maydonga 16 marta tushib, “Spartak” uchun uchta gol urgan.
Hozirgi kunga kelib, jamoa ushbu mavsumda uch ochko jamg‘argan. Garsiya o‘z oldiga jamoaning natijalarini yaxshilash va muxlislarni xursand qilish maqsadini qo‘ymoqda.
