Vest Xem va Betis Deossa transferi uchun kurashmoqda
Angliyaning Vest Xem futbol klubi Kolumbiyalik yarim himoyachi Nelson Deossani Monterrey jamoasidan sotib olishni rejalashtirmoqda. Bu haqida Euro-football.ru xabar berdi.
Biroq, bu transfer amalga oshmasligi mumkin. Bu haqda Super Deportivo nashri xabar berdi.
Vest Xem klubi futbolchi uchun biroz ortiqcha, ya’ni 11 million yevro miqdorida taklif kiritdi. Lekin bu mablag‘ yetarli bo‘lmasligi ehtimoli bor.
Chunki futbolchini o‘z safiga qo‘shib olish uchun Ispaniyaning Betis jamoasi ham kurashga qo‘shildi. Betis klubi vakillari futbolchi uchun 12,1 million yevro asosiy to‘lov va qo‘shimcha ravishda 1,6 million yevro bonus to‘lashga tayyor ekanliklarini bildirgan.
Nelson Deossa 25 yoshda bo‘lib, yarim himoya chizig‘ida harakat qiladi. U o‘tgan mavsumni Monterrey va Pachuka klublarida o‘tkazdi.
O‘tgan mavsum davomida u jami 48ta o‘yinda maydonga tushib, 10ta gol urgan va 3ta golli uzatma amalga oshirgan. Deossaning kelajagi hozircha aniq emas, chunki uning transferi uchun ikki klub o‘rtasida raqobat davom etmoqda.
