Diveev eng noqulay hujumchini Luis Adrianodeb atadi

CSKA jamoasi himoyachisi Igor Diveev o‘z faoliyati davomida to‘qnash kelgan eng noqulay hujumchi haqida savolga javob berdi. Bu haqida Euro-football.ru xabar berdi.

U bu borada “Spartak”ning sobiq hujumchisi Luis Adriano nomini tilga oldi. Diveevning so‘zlariga ko‘ra, Luis Adriano bilan maydonda kurashish oson bo‘lmagan.

U raqibidan tez-tez tirsagi bilan urib o‘tgan va o‘yin davomida turli haqoratli so‘zlarni aytgan. O‘sha paytlarda video yordamchi hakam tizimi yo‘qligi sabab, uning ba’zi harakatlari hakamlar e’tiboridan chetda qolgan.

Diveev Luis Adrianoning inson sifatida yaxshi ekanini ta’kidladi, biroq maydonda u har doim qattiqqo‘l va murosasiz bo‘lganini bildirdi. Luis Adriano 2017-2019 yillar davomida Moskvaning “Spartak” jamoasida to‘p surgan.

U mazkur davrda 79 o‘yinda maydonga tushib, 25 ta gol urgan va 15 ta golga hammualliflik qilgan. Hozirda 38 yoshli futbolchi hech bir klub bilan shartnoma imzolamagan.

Shuningdek, haftaning chorshanba kuni CSKA jamoasi Rossiya Kubogi doirasida “Lokomotiv”ga qarshi o‘yin o‘tkazadi. Ushbu uchrashuvni matnli tarzda kuzatib borish imkoniyati mavjud.