Himoyachi Aleksandr Zinchenko yozgi transfer oynasida “Arsenal” klubini tark etishi mumkin. Bu haqida Euro-football.ru xabar berdi.
Bu haqda Give Me Sport nashri xabar bermoqda. Ma’lum qilinishicha, 28 yoshli futbolchiga Angliyaning “Fulhem” klubi qiziqish bildirmoqda.
London jamoasi Zinchenkoning atrofidagilar bilan bog‘langan va “Arsenal”ga rasmiy taklif yuborish imkoniyatini o‘rganmoqda. Manbaga ko‘ra, “Arsenal” Aleksandr Zinchenkoni taxminan 15 million funt sterling (17,4 million yevro) miqdorida qadrlamoqda.
Shuningdek, Aleksandr Zinchenko “Arsenal” safida so‘nggi vaqtlarda kam o‘yin amaliyotiga ega bo‘layotgani ta’kidlanmoqda. Bunga jamoaga Rikardo Kalafiori transferi va Mayls Lyuis Skelli kabi yosh futbolchilarning rivojlanishi sabab bo‘lmoqda.
Zinchenko “Arsenal” tarkibida jami 91 ta o‘yinda maydonga tushib, uchta gol urgan va beshta golli uzatma amalga oshirgan.
