Roberto Manchini “Beshiktosh” jamoasining bosh murabbiyi lavozimiga tayinlanishi ehtimoldan yiroq. Bu haqida Euro-football.ru xabar berdi.
So‘nggi kunlarda ayrim manbalar mashhur italiyalik mutaxassisga Istanbul klubi qiziqish bildirayotgani haqida xabar tarqatdi. Biroq jurnalist Rudi Galetti bergan ma’lumotga ko‘ra, “Beshiktosh” rahbariyati hozirda ishsiz bo‘lgan, 60 yoshli murabbiyni o‘z nomzodlari orasida ko‘rib chiqmayapti.
Shuningdek, manbaga ko‘ra, agar klub o‘zining hozirgi bosh murabbiyi Ule Gunnar Sulshyer bilan hamkorlikni to‘xtatsa, jamoa rahbariyati mahalliy mutaxassisga murojaat qilmoqchi. Shu sababli, “Beshiktosh”ning qisqa ro‘yxatida faqat turkiyalik murabbiylar bor.
Eslatib o‘tamiz, Roberto Manchini o‘tgan yilning kuzida Saudiya Arabistoni terma jamoasidan iste’foga chiqqanidan beri murabbiylik faoliyatiga qaytmagan. Shu bois, uning “Beshiktosh”ga kelishi hozircha reja qilinmayapti.
