“Inter” Lukman transferi bo‘yicha “Atalanta”ga muddat belgiladi

Atemola Lukmanning “Atalanta”dan “Inter”ga o‘tishi masalasi yaqin kunlarda hal bo‘lishi kutilmoqda. Bu haqida Euro-football.ru xabar berdi.

Bergamo shahri jamoasi hujumchi uchun 50 million yevro talab qilmoqda. Shu bilan birga, Milan shahri vakillari bonuslarni hisobga olgan holda taxminan 45 million yevro taklif etmoqda.

OAV xabariga ko‘ra, “Inter” rahbariyati “Atalanta”dan yakuniy javobni juma kunidan kechiktirmasdan berishni so‘ragan. Agar bergamoliklar belgilangan muddatgacha javob bermasa, bu rad javobi sifatida qabul qilinadi va Milan klubi boshqa nomzodlarga e’tibor qaratadi.

Shu o‘rinda eslatib o‘tamiz, Ademola Lukman o‘zi “Atalanta” rahbariyatiga “Inter” klubiga o‘tishni istayotganini bildirgan. 27 yoshli futbolchining vakili ham klub rahbariyatini transferga rozilik berishga undamoqda.

Mazkur muzokaralar natijasida ikki klub kelishuvga erisha oladimi yoki yo‘qligi yaqin orada aniqlik kiritiladi. Hozircha tomonlar o‘z takliflari ustida ishlamoqda.

Mazkur transfer bo‘yicha yakuniy qaror tez orada e’lon qilinishi kutilmoqda.