“Yuventus” futbol klubi bosh direktori Damyen Komolli jamoada kutilayotgan o‘zgarishlar haqida ma’lumot berdi. Bu haqida Euro-football.ru xabar berdi.
Komollining so‘zlariga ko‘ra, hujumchi Dusan Vlahovichga boshqa jamoalardan munosib taklif tushsa, uni sotishga tayyorlik bildirilgan. Klub rahbariyati Vlahovichni qo‘yib yuborishga rozi, biroq hozircha rasmiy taklif kelmagan.
Shuningdek, Randal Kolo-Muani “Yuventus”ga qaytib, jamoa safida o‘ynash istagini bildirgan. Klub ushbu futbolchini qaytarish ustida ish olib bormoqda.
Yana bir futbolchi Timoti Vea “Marsel” jamoasiga o‘tishni xohlayapti. Komollining ta’kidlashicha, futbolchining istagiga qaramay, hali “Marsel”dan yoki boshqa birorta klubdan rasmiy taklif kelmagan.
Futbolda esa faqatgina o‘z xohishiga ko‘ra jamoani tanlash imkoniyati har doim ham bo‘lavermaydi. Eslatib o‘tamiz, Randal Kolo-Muani o‘tgan mavsum ikkinchi qismida “Yuventus” tarkibida ijarada o‘ynagan, mavsum yakunlangach esa “PSJ” klubiga qaytgan.
Klub rahbariyati esa uning qaytishi bo‘yicha muzokaralar olib bormoqda.
