Semak Fayzullayevning CSKAdan ketishini izohladi
«Zenit» futbol jamoasi bosh murabbiyi Sergey Semak Moskvaning CSKA klubini tark etgan futbolchi Abbosbek Fayzullayev haqida o‘z fikrini bildirdi. Bu haqida Euro-football.ru xabar berdi.
Unga ko‘ra, Fayzullayev faoliyatini Turkiyaning «Istanbul Bashakshehir» klubida davom ettiradi. Sergey Semakning ta’kidlashicha, Abbosbek Fayzullayev CSKA asosiy tarkibida ko‘p maydonga tushmagan.
Murabbiy bu holatga sabab sifatida, jamoa bosh murabbiyi Nikolich tizimida Fayzullayev uchun mos o‘rin topilmaganini aytdi. Shunga qaramay, Fayzullayev Rossiyada to‘p surgan vaqtida o‘zining yorqin o‘yinlari bilan muxlislar e’tiborini qozondi.
Eslatib o‘tamiz, Rossiya Premyer-ligasi uchinchi turida «Zenit» o‘z maydonida Moskvaning CSKA jamoasini qabul qiladi. Uchrashuv 3-avgust kuni «Gazprom Arena» stadionida bo‘lib o‘tadi.
O‘yinning boshlanish vaqti Toshkent vaqti bilan soat 18:00 ga belgilangani ma’lum qilindi. Mazkur uchrashuv ikki jamoa uchun ham muhim ahamiyatga ega bo‘lib, muxlislar qiziqarli o‘yin guvohi bo‘lishadi.
