Jadon Sancho transferi «Yuventus» uchun muammoga aylangan. Bu haqida Euro-football.ru xabar berdi.
Turin klubi «Manchester Yunayted»dan ingliz futbolchisini sotib olish uchun avvalo o‘z tarkibidan bir futbolchini sotishi kerak. Bu haqda Italiya matbuoti xabar bermoqda.
Ma’lumotlarga ko‘ra, «Yuventus» ushbu transferni amalga oshirish uchun hujumchi Niko Gonsales bilan xayrlashishga majbur. Klub murabbiylari argentinalik futbolchini kelasi mavsum rejalarga kiritmagan.
Agar Gonsales sotilsa, uning transferidan tushadigan mablag‘ Sancho xaridi uchun ishlatiladi. Italiya klubi bosh direktori Damyen Komolli ham shuni tasdiqlab, «Yuventus» Sancho bilan shartnoma tuzishi uchun avval Niko Gonsalesni sotishi zarurligini ta’kidlagan.
Hozirda «Yuventus» va «Manchester Yunayted» o‘rtasidagi muzokaralar to‘xtab qolgan. Transfermarkt ma’lumotiga ko‘ra, Jadon Sancho transfer narxi 28 million yevro deb baholanmoqda.
Shu sababli, «Yuventus» kelasi transfer oynasida futbolchini sotib olish uchun o‘z safiga o‘zgarish kiritishi kerak bo‘ladi. Klub rahbariyati barcha imkoniyatlarni ko‘rib chiqmoqda.
