Rossiya Premer-ligasining uchinchi turidagi markaziy uchrashuv Sankt-Peterburg shahrida yakshanba kuni kechqurun bo‘lib o‘tadi. Bu haqida Euro-football.ru xabar berdi.
"Gazprom Arena" stadionida o‘tadigan o‘yinda o‘tgan mavsum kumush va bronza medallarini qo‘lga kiritgan "Zenit" hamda TsSKA jamoalari o‘zaro kuch sinashadi. Rossiya terma jamoasining sobiq futbolchisi Aleksandr Mostovoy ushbu o‘yinning aniq hisobiga oid o‘z fikrini bildirib o‘tdi.
Aleksandr Mostovoyning fikricha, Sergey Semak boshchiligidagi "Zenit" jamoasi poytaxtdan kelgan mehmonlarni bir gol farqi bilan mag‘lub etadi. Unga ko‘ra, "Zenit" o‘tgan mavsum RPL yo‘li finalida TsSKAga yutqazganidan so‘ng, bu safar raqibdan revansh olishga intiladi.
Mostovoy "Zenit"ning 2:1 hisobida g‘alaba qozonishini taxmin qilmoqda. "Zenit" va TsSKA o‘rtasidagi uchrashuv 3 avgust kuni Moskva vaqti bilan soat 18:00 da boshlanadi.
O‘yinning barcha tafsilotlarini matnli onlayn translyatsiya orqali kuzatish mumkin bo‘ladi.
