Tottenhem jamoasi sardori Son Xyon Min tez orada klubni tark etishini ma’lum qildi. Bu haqida Euro-football.ru xabar berdi.
33 yoshli futbolchi o‘z qarori haqida klub rahbariyati va yangi bosh murabbiy Tomas Frankga xabar berdi, shundan so‘ng bu borada ommaga ochiq bayonot berdi. Son Xyon Min o‘z so‘zlarida shunday dedi: Men Tottenhem klubidan meni sotishni so‘radim.
Bu qarorni qabul qildim. Klub uchun bor kuchimni berdim, endi esa yangi imkoniyat izlash vaqti keldi.
Bu mening hayotimdagi eng og‘ir qaror bo‘ldi. Men Shimoliy Londonga bolaligimda, ingliz tilini bilmagan holda kelgan edim.
Endi esa bu klubni tark etmoqdaman. Tottenhem muxlislariga menga ko‘rsatgan e’tibori va mehrlari uchun minnatdorchilik bildiraman.
Janubiy Koreya futbolchisi Son Xyon Min o‘n yil davomida Tottenhem sharafini himoya qildi. Hozirda uning faoliyatini Amerika futbol ligasi – MLSda davom ettirish ehtimoli katta.
U Los Anjeles klubi bilan muzokaralar olib bormoqda. Yakuniy qaror yaqin kunlarda e’lon qilinishi kutilmoqda.
