Moskvadagi “Spartak” jamoasi va sobiq SSSR terma jamoasi himoyachisi Yevgeniy Lovchevning ta’kidlashicha, “Zenit” bilan bo‘ladigan o‘yin CSKA bosh murabbiyi Fabio Chelestinining imkoniyatlarini sinovdan o‘tkazadi. Bu haqida Euro-football.ru xabar berdi.
Uning fikricha, hozircha shveysariyalik mutaxassisning faoliyatiga aniq baho berib bo‘lmaydi, chunki u hali ham avvalgi murabbiy Marko Nikolicning jamoasidan foydalanmoqda. Lovchevning so‘zlariga ko‘ra, yangi murabbiyning asl salohiyatini yaqin kunlarda ko‘rish mumkin bo‘ladi.
Aynan “Zenit”ga qarshi o‘yin murabbiy uchun o‘zini namoyon etish imkonini beradi. U “Zenit”ning kuchli ekanini, jamoa yaxshi natija ko‘rsatayotganini va aynan “Zenit” bu uchrashuvning asosiy favoriti ekanini ta’kidladi.
Uchrashuv 3-avgust kuni Sankt-Peterburg shahrida bo‘lib o‘tadi. O‘yin boshlanishi Moskva vaqti bilan soat 18:00 ga belgilangan.
Hozirgi vaqtda ikki turdan so‘ng “Zenit” to‘rt ochko bilan oltinchi o‘rinni egallab turibdi. CSKA esa shuncha ochkoga ega bo‘lsa-da, sakkizinchi pog‘onada bormoqda.
Ushbu o‘yin ikki jamoa uchun ham muhim ahamiyatga ega bo‘ladi.
