Vadim Rakov “Krilya Sovetov”ning kuchli sakkizlik imkonini aytdi

“Krilya Sovetov” hujumchisi Vadim Rakov jamoaning mavsumni Premyer-liga kuchli sakkizligida yakunlashi uchun qanday fazilatlar kerakligi haqida fikr bildirdi. Bu haqida Euro-football.ru xabar berdi.

Avvalroq Rakov jamoa oldiga turnir jadvalining yuqori qismida yakunlash vazifasi qo‘yilganini aytgan edi. Vadim Rakovning ta’kidlashicha, bu natijaga erishish uchun futbolchilar xarakter, kundalik mehnat va maydonda bir-birini qo‘llab-quvvatlash fazilatiga ega bo‘lishi zarur.

Uning fikricha, aynan ushbu omillar jamoaga yuqori natijalarga erishishda yordam beradi. Ayni paytda “Krilya Sovetov” Rossiya chempionati doirasida o‘tkazilgan uch turda yetti ochko jamg‘argan.

Vadim Rakov esa o‘tgan uchrashuvlarda to‘rtta gol urib, bir marta jamoadoshiga golli pas berdi. Ma’lumot uchun, 20 yoshli Rakov hozirda “Krilya Sovetov” safida ijarada o‘ynamoqda.

Uning transfer huquqi “Lokomotiv” klubiga tegishli.