Yakub Kivyor kelajagi hali ham mavhumligicha qolmoqda

Arsenal futbol klubi markaziy himoyachisi Yakub Kivyor joriy transfer oynasida jamoasini o‘zgartirishi mumkin. Bu haqida Euro-football.ru xabar berdi.

Yoz boshida polshalik futbolchining Italiyaga qaytishi haqida xabarlar tarqalgan edi. Biroq, oradan vaqt o‘tib, bu boradagi mish-mishlar to‘xtadi.

Shunga qaramay, jurnalist Fabrizio Romano ma’lumotiga ko‘ra, Kivyorning kelajagi hali ham aniq emas. Ayrim klublar futbolchiga qiziqish bildirishda davom etmoqda, biroq ular nomi oshkor qilinmagan.

Arsenal bosh murabbiyi Mikel Arteta esa 25 yoshli himoyachini jamoada saqlab qolishni istaydi. Ma’lumotlarga ko‘ra, iyul oyida Arsenal portugaliyalik klubdan kelgan taklifni rad etgan.

O‘tgan mavsumda Yakub Kivyor London klubi tarkibida 30 ta uchrashuvda maydonga tushdi. U bir bor gol urdi va ikki marta golli uzatmani amalga oshirdi.

Transfermarkt portali himoyachi qiymatini 28 million yevro deb baholamoqda. Hozircha futbolchining qayerda faoliyatini davom ettirishi noma’lumligicha qolmoqda.