Kordoba: G‘alabamiz mehnatimiz samarasi bo‘ldi
“Krasnodar” va “Dinamo” Moskva jamoalari o‘rtasidagi uchrashuvning eng yaxshi futbolchisi deb topilgan Jon Kordoba “Match TV”ga o‘yindan olgan taassurotlari bilan o‘rtoqlashdi. Bu haqida Euro-football.ru xabar berdi.
— Siz uchun bu gol qanchalik muhim bo‘ldi va ushbu g‘alaba “Krasnodar” uchun qanday ahamiyatga ega? — Jamoa safdoshlarim va murabbiylar shtabini tabriklamoqchiman.
Bu hafta biz uchun oson bo‘lmadi. Shunga qaramay, barcha qiyinchiliklarni yengib o‘ta oldik.
Hozir hammamiz juda ham xursandmiz. Endi uyga qaytamiz va shu ruhda davom etamiz, degan umiddamiz.
— Mag‘lubiyatlardan keyin murabbiy sizga nima dedi? Bugun sizni nima ilhomlantirdi?
Har bir daqiqada kurashganingiz ko‘rinib turdi. — Hafta davomida bo‘ladigan o‘yin haqida va mashg‘ulotlarda ko‘p gaplashdik.
Bilardikki, bu o‘yin biz uchun oson bo‘lmaydi. “Dinamo” ham munosib raqib, ularga ham tabrik aytaman.
Haftani jiddiy tayyorgarlik va mehnat bilan o‘tkazdik. Bugungi natijamiz aynan shu mehnatimizning samarasi deb o‘ylayman.
— Gol urganingizda bu faqat omadmi yoki mahorat natijasimi? — Har safar buni faqat omad, deb aytishdan charchadim.
Men har kuni gol urish uchun tayyorlanaman. “Omad” so‘zi meni ranjitadi.
Har kuni mashg‘ulotlarda g‘alabaga erishish uchun harakat qilamiz. Endi omad haqida gapirishni to‘xtatish va mehnatimizni qadrlash vaqti keldi.
