Lukman transfer so‘rovi berdi, “Inter”ga o‘tishni istaydi

“Atalanta” klubi hujumchisi Ademola Lukman rasmiy ravishda transfer so‘rovi berganini ma’lum qildi. Bu haqida Euro-football.ru xabar berdi.

27 yoshli futbolchi ayni paytda “Inter” jamoasiga o‘tishni istayotganini ochiq bildirgan. So‘nggi vaqtlarda uning nomi “Inter” klubi bilan faol bog‘lanmoqda.

Lukman o‘zining rasmiy bayonotida shunday deydi: “Transfer bo‘yicha rasmiy so‘rovimni berdim. Har doim klub manfaatlarini ustun qo‘yganman va bu holatga kelib qolishimni istamagan edim.

Afsuski, hozirda tanlovim juda kam. Muxlislarga murojaat qilib, bu vaziyatga yetib kelganimizdan chin dildan afsusdaligimni bildiraman.

Umid qilamanki, sizlar holatni to‘g‘ri tushunasizlar”. Ademola Lukman, shuningdek, “Atalanta” klubi transferiga noma’lum sabablarga ko‘ra to‘sqinlik qilayotganini ta’kidladi.

U so‘nggi uch mavsum davomida Bergamo jamoasi uchun bor kuchi bilan harakat qilganini qayd etdi. Futbolchi vaziyat tez orada ijobiy hal bo‘lishiga umid qilmoqda.

Mazkur holat atrofida rasmiy izohlar kutilyapti.