Sobiq "Spartak" futbolchisi Valeriy Masalitin "Akron" hamda "Spartak" jamoalari o‘rtasidagi uchrashuv natijasi (1:1) va poytaxt jamoasining mavsum boshidagi o‘yinlari haqida fikr bildirdi. Bu haqida Euro-football.ru xabar berdi.
Eslatib o‘tamiz, Tolyatti jamoasi so‘nggi daqiqalarda Artem Dzyuba tomonidan amalga oshirilgan penalti evaziga hisobni tenglashtirishga muvaffaq bo‘ldi. Valeriy Masalitinning ta’kidlashicha, agar jamoa chempionlik uchun kurash olib bormoqchi bo‘lsa va qimmat transferlarni amalga oshirayotgan bo‘lsa, unda ochkolarni shunday osonlikcha boy berish mumkin emas.
Unga ko‘ra, mavsum boshida "Spartak" barqaror o‘yin ko‘rsata olmayapti, jamoaga gollar urish juda qiyin bo‘layapti. Shuningdek, u intizom bilan bog‘liq muammolar borligini va bu holat yuzaga kelmasligi kerakligini ta’kidladi.
Masalitin, shuningdek, "Spartak" ikkinchi bo‘limda raqibdan kam bo‘lib o‘ynaganiga qaramay, yaxshiroq o‘yin namoyish qilganini ham aytdi. Hozirda Dejan Stankovich boshchiligidagi "Spartak" jamoasi bir g‘alaba, bir mag‘lubiyat va bir durang natijasidan so‘ng Premyer-liga turnir jadvalida o‘ninchi o‘rinda bormoqda.
