Galatasaray Safonov transferi bo‘yicha muzokara boshladi

PSJ jamoasida darvozabon sifatida faoliyat yuritayotgan Matvey Safonov Turkiyada o‘z faoliyatini davom ettirishi mumkin. Bu haqida Euro-football.ru xabar berdi.

Bu haqda jurnalist Sulaymon Rodop ma’lumot berdi. Manbaga ko‘ra, Turkiyaning mashhur Galatasaray klubi Safonov bilan muzokaralarni boshlab yuborgan.

Hozircha muzokaralar tafsilotlari ochiqlanmagan. Avvalroq, PSJ klubi ukrainalik himoyachi Ilya Zabarnıy bilan shartnoma imzolash arafasida ekanligi haqida xabarlar tarqalgan edi.

Shu munosabat bilan, PSJ klubi Galatasarayga Safonov xizmatlarini taklif qilgani aytilmoqda. Matvey Safonov o‘tgan yilning yozidan beri PSJ safida o‘ynab kelmoqda.

Shu vaqt davomida u jami 17 ta o‘yinda maydonga tushdi, 13 ta gol o‘tkazib yubordi va 7 ta uchrashuvda darvozasi daxlsizligini saqlab qoldi. Transfermarkt ma’lumotiga ko‘ra, Safonovning bozor bahosi 20 million yevroga teng.

Hozircha uning kelajagi borasida aniq qaror qabul qilinmagan. Muzokaralar natijasi yaqin kunlarda ma’lum bo‘lishi kutilmoqda.