“Spartak”ga qarshi o‘yinda hisob 0:0 bo‘lgan vaqtda “Akron” jamoasi penaltidan zarba berish huquqini oldi. Bu haqida Euro-football.ru xabar berdi.
Penaltini Sefan Lonchar ijro etishga qaror qildi, biroq u to‘pni darvozaga yo‘llay olmadi. Ushbu vaziyat yuzasidan Tolyatti jamoasining tajribali hujumchisi Artyom Dzyuba o‘z fikrini bildirdi.
Dzyubaning so‘zlariga ko‘ra, u penaltini Loncharga topshirdi, chunki Chernogoriya futbolchisi zarbani o‘zi ijro etishni istagan. “Bunday vaziyatda men ham, Savichev ham penaltini tepa olardik.
Biroq Lonchar bunga juda ishtiyoq bildirdi, shu sabab unga imkon berdik. Bu kabi masalalarni jamoada birga hal qilish mutlaqo tabiiy.
Kelajak uchun ham xulosalar chiqardik”, – deydi Dzyuba. Ta’kidlash joiz, uchrashuv davomida Artyom Dzyuba keyinchalik penaltidan gol urib, o‘yinda hisobni 1:1 ko‘rinishiga olib keldi.
Hozirda “Akron” uch turdan so‘ng besh ochkoga ega bo‘lib, Premer-liga turnir jadvalida oltinchi o‘rinda bormoqda.
