Nyukasl Malik Tiav transferini boshlashga tayyorlanmoqda
Nyukasl jamoasi yangi mavsum oldidan tarkibini kuchaytirish ustida ish olib bormoqda. Bu haqida Euro-football.ru xabar berdi.
Sababi, bosh murabbiy Eddi Xou boshchiligidagi ushbu jamoa kelasi mavsum Angliyani Chempionlar ligasida himoya qiladi. Mashhur jurnalist Fabrizio Romano bergan ma’lumotga ko‘ra, Nyukasl klubi Milan jamoasining markaziy himoyachisi Malik Tiavga qiziqish bildirmoqda.
Yaqin kunlarda Premer-liga klubi ushbu futbolchi bo‘yicha muzokaralarni boshlashi mumkin. Avvalroq, 23 yoshli Malik Tiav Dushan Vlahovich bilan bo‘ladigan transfer kelishuvida ishtirok etishi mumkinligi haqida xabarlar chiqqandi.
Malikaning Milan klubi bilan amaldagi shartnomasi yana ikki mavsumga, ya’ni 2027-yil o‘rtalarigacha mo‘ljallangan. Transfermarkt portali mutaxassislarining baholashicha, futbolchining transfer narxi 18 million yevroga teng.
Shu tariqa, Nyukasl jamoasi keyingi mavsumda kuchli tarkib shakllantirish uchun faol harakat qilmoqda va yangi futbolchilar bilan muzokaralarni davom ettirishi kutilmoqda.
