CSKA va Braziliyaning “Flamengo” klubi yarim himoyachi Mateus Gonsalvesning transfer narxini kelishishda hozircha yakuniy qarorga kela olmayapti. Bu haqida Euro-football.ru xabar berdi.
Avvalroq, ikki klub transfer bo‘yicha barcha asosiy masalalarda kelishuvga erishgani va tez orada rasmiy e’lon qilinishi kutilayotgani haqida xabar berilgan edi. Hozirda tomonlar transfer qiymati borasida yakuniy raqamlarni muhokama qilmoqda yoki bitim summasini kelishib olishning so‘nggi bosqichida turibdi.
Bu haqda sport jurnalisti Ivan Karpov o‘zining telegram kanalida ma’lumot berdi. Joriy mavsumda Mateus Gonsalves 17 uchrashuvda maydonga tushib, beshta gol urdi va bir marotaba sherigiga gol kiritishda yordam berdi.
19 yoshli futbolchining “Flamengo” bilan amaldagi shartnomasi 2027 yil 31 dekabrga qadar mo‘ljallangan. Uning bozordagi qiymati besh million yevroga baholanmoqda.
Hozircha transferning rasmiy e’lon qilinishi kutilmoqda.
