Arshavin: Rossiya o‘yinlari viloyatlarda ko‘proq qiziqish uyg‘otadi
Evro-2008 musobaqasida Rossiya terma jamoasi tarkibida bronza medalini qo‘lga kiritgan Andrey Arshavin milliy jamoa o‘rtoqlik uchrashuvlarini qayerda o‘tkazishi kerakligi haqida o‘z fikrini bildirdi. Bu haqida Euro-football.ru xabar berdi.
Uning so‘zlariga ko‘ra, Rossiya futbol ittifoqi faqat Moskva shahri bilan cheklanib qolmasligi va ko‘proq uchrashuvlarni viloyatlarda tashkil etishi lozim. Arshavinning fikricha, har bir o‘yin mintaqalarda nafaqat bayram, balki muhim voqea sifatida qabul qilinadi.
Bundan tashqari, Rossiya futbol ittifoqi uchrashuvlar oldidan ko‘plab tadbirlar o‘tkazadi. Moskva tashqarisida bunday o‘yinlarga aholi yanada katta qiziqish bildiradi.
Kecha Rossiya futbol ittifoqi Rossiya terma jamoasi 4-sentabr kuni Jahon chempionati-2026 saralash bosqichida ishtirok etadigan Iordaniya jamoasiga qarshi o‘rtoqlik uchrashuvi o‘tkazishini tasdiqladi. Biroq uchrashuv qayerda bo‘lib o‘tishi hali aniqlashtirilmagan.
Shuningdek, ilgari Argentinada ham Rossiya bilan o‘rtoqlik uchrashuvi 2025-yil kuzida o‘tkazilishi mumkinligi aytilgan, biroq hozircha bu borada aniq ma’lumot yo‘q.
