Meyson Grinvud Yamayka fuqarosi bo‘ldi, terma jamoadan o‘rin olishi mumkin
Marsel klubi hujumchisi Meyson Grinvud rasmiy ravishda Yamayka fuqarosi bo‘ldi. Bu haqida Euro-football.ru xabar berdi.
23 yoshli futbolchi ushbu mamlakat pasportini oldi. Bu haqida BBC axborot agentligi xabar berdi.
Shu tariqa, Grinvud Yamayka terma jamoasida xalqaro maydonda ishtirok etish imkoniyatiga yaqinlashdi. Ma’lum qilinishicha, futbolchi Bermud orollari va Trinidad va Tobago terma jamoalariga qarshi o‘yinlarda maydonga tushishi uchun zarur rasmiy jarayonlarni yakunlashi kerak.
Aniqrog‘i, u Angliya futbol assotsiatsiyasidan Yamayka futbol federatsiyasiga o‘tish bo‘yicha hujjatlarni rasmiylashtiradi. Ushbu tartib boshqa terma jamoalarda o‘ynagan futbolchilar uchun majburiy hisoblanadi.
Eslatib o‘tamiz, Meyson Grinvud bungacha Angliya terma jamoasi tarkibida bitta o‘yinda ishtirok etgan. Endilikda u Yamayka terma jamoasida o‘ynash uchun barcha zarur hujjatlarni rasmiylashtirgach, ushbu jamoa safida maydonga tushishi mumkin bo‘ladi.
