Grozniy shahrining “Axmat” futbol jamoasini boshqargan Aleksandr Storojuk iste’foga chiqarildi va u klub bilan xayrlashdi. Bu haqida Euro-football.ru xabar berdi.
Storojuk o‘zining xayrlashuv so‘zlarida barcha jamoa a’zolari va muxlislariga omad, yaxshilik va oilalariga tinchlik tiladi. U futbolni sevib, unga sodiq qolishni tavsiya etdi hamda klubga minnatdorlik bildirdi.
Ma’lumot uchun, Storojukning iste’fosi 5-avgust kuni e’lon qilingan edi. Uning o‘rniga jamoaning yangi bosh murabbiyi sifatida Stanislav Cherchesov tayinlanadi.
Yangi murabbiy bilan uch yillik mehnat shartnomasi imzolanishi rejalashtirilgan. Rossiya chempionatining yangi mavsumida “Axmat” dastlabki uch o‘yinda ketma-ket mag‘lubiyatga uchradi va turnir jadvalida 13-o‘rinni egallab turibdi.
Jamoa navbatdagi uchrashuvini “Zenit”ga qarshi o‘tkazadi. Klub rahbariyati va muxlislar yangi murabbiydan yaxshi natijalar kutmoqda.
