Tomas Myuller “Vankuver Uaytkaps” jamoasiga o‘tishini izohladi
Germaniyalik hujumchi Tomas Myuller o‘zining MLS ligasidagi “Vankuver Uaytkaps” jamoasiga o‘tganini izohladi. Bu haqida Euro-football.ru xabar berdi.
Futbolchi yangi jamoasiga qo‘shilishdan mamnunligini bildirib, “Vankuver”ga kelishni intiqlik bilan kutayotganini aytdi. U jamoaga chempionlik yo‘lida yordam berishni istashini ta’kidladi.
Myuller shuningdek, shahar haqida ko‘p eshitganini, biroq uning asosiy maqsadi g‘alaba qozonish ekanini alohida qayd etdi. Klub rahbariyati bilan bo‘lib o‘tgan suhbatlar ham unga ijobiy taassurot qoldirgan.
Endi esa Myuller muxlislar oldida o‘yin ko‘rsatishni va “Bi-Si Pleyis” stadionida jamoani qo‘llab-quvvatlaydigan tomoshabinlarni ko‘rishni orziqib kutmoqda. Ma’lumot uchun, Kanadaning ushbu klubi Tomas Myullerni o‘z safiga qo‘shib olganini rasmiy ravishda e’lon qildi.
Bu yangilik 6-avgust, chorshanba kuni ma’lum bo‘ldi. 35 yoshli futbolchi o‘tgan mavsum Germaniya chempionatida, “Bavariya” klubi safida o‘z faoliyatini yakunlab, ilk bor boshqa jamoaga o‘tdi.
Shu tariqa, Myuller MLS klubi futbolchisiga aylandi va endi o‘z tajribasi bilan yangi jamoasiga yordam berishni rejalashtirmoqda.
