Nyukasl Jekson transferi bo‘yicha Chelsi bilan muzokarada
“Nyukasl” futbol klubi “Chelsi” hujumchisi Nikolas Jeksonni o‘z tarkibiga qo‘shib olish ustida ish olib bormoqda. Bu haqida Euro-football.ru xabar berdi.
Klubning asosiy transfer maqsadi bo‘lgan “RB Leyptsig” hujumchisi Benyamin Sheshko “Manchester Yunayted” jamoasini tanladi. Shu sababli “Nyukasl” endi hujum chizig‘ini kuchaytirish uchun boshqa nomzodlarni ko‘rib chiqmoqda.
Jurnalist Ben Jeykobs ma’lumotiga ko‘ra, klub Nikolas Jekson bilan dastlabki muzokaralarni o‘tkazgan. “Chelsi” rahbariyati Jeksonni sotib yuborishni istamayapti va hujumchi uchun taxminan 80 million funt sterling (qariyb 92 million yevro) talab qilmoqda.
Transfermarkt internet saytida Nikolas Jeksonning bahosi 50 million yevro deb ko‘rsatilgan. O‘tgan mavsumda Senegal terma jamoasi a’zosi bo‘lgan Jekson “Chelsi” safida barcha musobaqalarda 37 o‘yinda maydonga tushib, 13 ta gol urgan va 6 ta golga uzatma bergan.
Hozirda “Nyukasl” ushbu transfer yuzasidan muzokaralarni davom ettirmoqda. Klub hujum chizig‘ini kuchaytirish uchun eng yaxshi variantni tanlashga harakat qilmoqda.
