"Liverpul" futbol klubi Parij Sen-Jermen jamoasining yosh futbolchisi Bredli Barkolaga qiziqish bildirayotgani haqida fransuz ommaviy axborot vositalari xabar bermoqda. Bu haqida Euro-football.ru xabar berdi.
Ma’lumotlarga ko‘ra, ingliz klubi hujumchi qanot o‘yinchisini diqqat bilan kuzatmoqda va uning o‘yin mahoratini yuqori baholamoqda. Biroq hozircha Barkola bilan bog‘liq hech qanday rasmiy muzokaralar olib borilmayapti.
"Liverpul" hozirda asosan "Nyukasl" jamoasidan Aleksandr Isakni o‘z safiga qo‘shish masalasiga e’tibor qaratgan. Parij Sen-Jermen klubi esa o‘z navbatida Barkolani tarkibda saqlab qolish niyatida.
Klub rahbari Nasser al-Xelayfi, sport maslahatchisi Luyis Kampush va bosh murabbiy Luis Enrike futbolchining jamoada qolishini bir ovozdan qo‘llab-quvvatlashmoqda. Hozirda klub tomonidan Barkola uchun yangi shartnoma tayyorlanmoqda.
Bu orqali PSJ klub rahbariyati yosh futbolchining kelajagini jamoada ko‘rishini namoyon qilmoqda. Shu tariqa, Barkolaning faoliyati va kelajagi borasida hozircha aniq qaror qabul qilinmagan.
