"Yuventus" futbolchisi Nikolas Gonsales Angliya Premer-ligasining ikki klubi diqqat markazida turibdi. Bu haqida Euro-football.ru xabar berdi.
27 yoshli hujumchi joriy transfer oynasida jamoani tark etishi mumkin. Turin klubi rahbariyati futbolchini boshqa jamoaga qo‘yib yuborishga tayyor.
So‘nggi ma’lumotlarga ko‘ra, Angliyaning "Everton" va "Fulhem" klublari Gonsalesga jiddiy qiziqish bildirishmoqda. Ushbu klublar futbolchini sotib olish shartlari haqida "Yuventus"dan ma’lumot so‘ragan.
Taniqli Transfermarkt portali Nikolas Gonsalesning bozor qiymatini 24 million yevroga baholagan. O‘tgan mavsumda argentinalik futbolchi "Yuventus" safida ijara asosida harakat qilgan.
Bungacha u Italiyaning "Fiorentina" klubiga tegishli edi. Joriy yilning iyul oyidan boshlab, "Yuventus" futbolchini to‘liq sotib olish majburiyatini bajardi va transfer uchun 28 million yevro to‘lashga kelishildi.
Hozirda Nikolas Gonsalesning kelajagi ochiq qolmoqda, uning qaysi klubda faoliyatini davom ettirishi tez orada aniqlik kiritiladi.
