Mostovoy: Karpin bilan Dinamo natijalari yomonlashmaydi
Sobiq “Spartak” futbolchisi Aleksandr Mostovoy “Dinamo” jamoasining Valeriy Karpin boshchiligida erishayotgan natijalari haqida o‘z fikrini bildirdi. Bu haqida Euro-football.ru xabar berdi.
U hozircha poytaxt jamoasi haqida aniq xulosa qilishga erta ekanini ta’kidladi. Mostovoyning so‘zlariga ko‘ra, “Dinamo” tarkibi juda yaxshi shakllangan, o‘tgan mavsumda ham ular chempionlik uchun kurash olib borishgan.
Uning fikricha, Valeriy Karpin bosh murabbiy bo‘lib ishlayotgan paytda jamoa natijalari yomonlashmaydi. Qolganini vaqt ko‘rsatadi.
Ma’lumot uchun, Valeriy Karpin joriy yil yozida “Dinamo” jamoasiga bosh murabbiy etib tayinlangan edi. Hozirgi kungacha o‘tgan uchta tur natijasiga ko‘ra, “Dinamo” turnir jadvalida o‘ninchi o‘rinda bormoqda.
Jamoa uchta o‘yinda to‘qqiz ochkodan faqat to‘rt ochko to‘plashga muvaffaq bo‘lgan. Keyingi turda “Dinamo” o‘z maydonida “Sochi” klubini qabul qiladi.
Ushbu uchrashuv 10-avgust sanasiga belgilangan.
