Angliyaning "Manchester Yunayted" klubi "Barselona" yarim himoyachisi Frenki de Yong uchun 50 million yevro taklif qilishga tayyor. Bu haqda 90min nashri xabar bermoqda.
De Yongning Premer-liga klublari, ayniqsa, "MYU" bilan bog‘langani birinchi marta emas. 27 yoshli niderlandiyalik futbolchining "Barselona" bilan amaldagi shartnomasi 2026 yilgacha davom etadi, ammo joriy yozda uning transferi uchun qulay imkoniyat paydo bo‘lishi mumkin.
2024/2025 yilgi mavsumda de Yong "Barselona" tarkibida 29 ta rasmiy o‘yinda maydonga tushib, 2 ta gol va 1 ta golli uzatma amalga oshirgan.
Manba: euro-football.ru
