Jeims Meddison og‘ir jarohat olib, mavsumni o‘tkazib yuboradi
Tottenhem futbol klubi yarim himoyachisi Jeims Meddison tizzasidan og‘ir jarohat oldi. Bu haqida Euro-football.ru xabar berdi.
BBC Sport xabariga ko‘ra, 28 yoshli futbolchida tizzaning oldingi chatisimon payi uzilishi aniqlangan. Mutaxassislar fikriga ko‘ra, Meddissonga tez orada jarrohlik amaliyoti o‘tkaziladi va u uzoq muddat tiklanish jarayonini boshlaydi.
Shu sababli, yarim himoyachi 2025/2026-yilgi mavsumning katta qismini o‘tkazib yuboradi. Ma’lumot uchun, Jeims Meddison yaqinda Osiyoda o‘tkazilgan “Nyukasl”ga qarshi o‘rtoqlik uchrashuvida jarohat olgan.
U o‘yinga zaxiradan maydonga tushgan, biroq ko‘p o‘tmay tizzasidan jarohat olib, maydonni nogironlar aravachasida tark etgan. Jeims Meddison “Tottenhem” safida hozirgacha 75 ta o‘yinda ishtirok etgan, shu davr mobaynida 16 ta gol urgan va 21 ta golli uzatmani amalga oshirgan.
Klub rahbariyati va muxlislar futbolchining tezroq sog‘ayib, safga qaytishini kutmoqda. Meddissonning yo‘qligi jamoa uchun sezilarli yo‘qotish bo‘ladi.
