Payshanba kuni kechqurun yangi mavsumga tayyorgarlik doirasida Bavariya va Tottenhem jamoalari o‘zaro bahs olib bordi. Bu haqida Euro-football.ru xabar berdi.
Uchrashuvning 12-daqiqasida Myunxen klubi hujumchisi Garri Keyn o‘zining sobiq jamoasi darvozasiga gol urdi. Angliyalik futbolchi ushbu golni nishonlashdan o‘zini tiydi, sababi barchaga ayon.
Oradan ko‘p vaqt o‘tmay, Garri Keyn dubl qayd etish uchun qulay imkoniyatga ega bo‘ldi, biroq penaltini aniq amalga oshira olmadi. Hujumchi zarbani ijro etayotganda tayanch oyog‘i sirpandi va to‘p darvoza tomon yo‘nalmadi.
Garri Keyn uzoq yillar davomida Tottenhem sharafini himoya qilgan. 2023 yilda Bavariya ushbu hujumchini matbuot ma’lumotlariga ko‘ra, 95 million yevroga xarid qilgan.
Bavariya va Tottenhem o‘rtasidagi o‘yinda keyingi voqealarni matnli translyatsiya orqali kuzatib borishingiz mumkin. Bu bahsda har ikki jamoa yangi mavsum oldidan o‘z imkoniyatlarini sinovdan o‘tkazmoqda.
