Cherchesov “Axmat”ni “Zenit”ga qarshi g‘alabaga ruhlantirmoqda

Tajribali sharhlovchi va futbol bo‘yicha mutaxassis Konstantin Genich shanba kuni bo‘lib o‘tgan Grozniy shahri jamoasi “Axmat” hamda Sankt-Peterburgning “Zenit” klublari o‘rtasidagi uchrashuv haqida o‘z fikrlarini bildirdi. Bu haqida Euro-football.ru xabar berdi.

Mutaxassisning ta’kidlashicha, “Zenit” bu o‘yinda asosiy favorit hisoblanadi. Biroq Genichning fikriga ko‘ra, yangi bosh murabbiy Stanislav Cherchesov raqib futbolchilarini qiyin vaziyatga solib qo‘yish, o‘z taktikasini amalga oshirish uchun turli usullarni qo‘llashi mumkin.

Shuningdek, u “Axmat” jamoasi “Zenit”dan ochko olib qo‘yish ehtimoli borligini ham aytib o‘tdi. Ma’lumot uchun, 6 avgust, shanba kuni Stanislav Cherchesov rasman “Axmat” futbol klubiga bosh murabbiy etib tayinlandi.

U bu lavozimga 12 yillik tanaffusdan so‘ng qaytdi. Yangi futbol mavsumi boshida “Axmat” jamoasi ketma-ket to‘rtta uchrashuvda mag‘lub bo‘ldi.

Ushbu muvaffaqiyatsiz davrda klubga Aleksandr Storojuk boshchilik qilgan va jamoa bilan mavsumoldi tayyorgarlikdan o‘tgan edi. Endilikda klub yangi bosh murabbiy qo‘l ostida yaxshi natija ko‘rsatishga harakat qilmoqda.